Ekibiina ekiddukanya omupiira mu Africa ekya CAF kyongeza ku mutemwa gw’ensimbi ezigenda okuwebwa omuwanguzi w’ekikopo ky’amawanga ga Africa ekya AFCON n’ebitundu 43%.
President wa CAF Dr Patrice Motsepe yaakakasizza ensimbi zino, nga kati omuwanguzi agenda kufuna obukadde bwa doola 10 okuva ku bukadde 7 obwagabwa mu mpaka ezasembayo mu 2023.
Okwongezebwa kw’ensimbi zino kati kugenze ku bitundu 100% ensimbi ezongezeddwa mu bbanga lya myaka 4, nga omuwanguzi mu 2021 yawebwa ensimbi za doola obukadde 5.
Agenda okukwata ekifo eky’okubiri egenda kufuna obukadde bwa doola 4, ate ttiimu endala 2 ezigenda okutuuka ku semifinal zigenda obukadde bwa doola 2 n’ekitundu buli omu.
Abategesi aba Morocco bebavuddewo empaka zino nga battunka ne Comoros mu kisaawe kya Prince Moulay Abdellah Stadium mu kibuga Rabat.
Bisakiddwa: Isah Kimbugwe
