Brian Kirumira amanyiddwa ng Bryan White nga yayatiikirira nnyo olw’okugabagaba ensimbi, agguddwako emisango gy’okutta omuntu, ogw’omusaddaaka, okwekobaana okutta omuntu n’ogwokusangibwa n’ebiragalalagala.
Kigambibwa nti Bryan White emisango yagyiddiza mu zone ya Kyamula Munyonyo mu Kampala, nga 22 October,2025 bweyatta Nalubwama Carol mu ngeri y’okumusaddaaka.
Bryan White aleeteddwa ng’ali ku kitanda era agyidde mu ambulance ya police, Omulamuzi Sarah Basemera namusomera emisango mu kisenge ekikkiriziddwamu abantu ab’olubatu.
Oluvannyuma Omulamuzi amusindise ku alimanda mu komera e Luzira okutuusa nga 18 December, lwalizzibwa mu kooti.
Avunaanibwa n’abantu abalala 3 okuli mukyala we Nalunga Daisy, n’abawala Abaho Daphine ne Nakato Naava, nga kigambibwa nti bekobaana nebenyigira mu bikolwa eby’akalogo kalenzi, nga bakozesa amafuta ekika kya Petulooli n’omuzigo byebaali basoose okusiiga omubiri gwa Nalubwama Carol gwonna, ekyamuviirako okukwata omuliro.
Bonna abavunaanibwa bakuddamu okulabikako mu maaso g’omulamuzi nga 18 December,2025.
Bisakiddwa: Betty Zziwa
