Wabaddewo dduka dduka mu kibuga Kaliisizo mu district ye Kyotera, ab’ekitongole ekiwooza ky’omusolo bwekiwandagazza ebyasi mu bbanga nga bagobagana n’emmotoka eteeberezebwa okubaamu amagendo.
Emmotoka gyebabadde bagoba kika kya Wish nga yonna effufunyadde, kigambibwa nti bagigobye okuva e Mutukula ku nsalo ya Uganda ne Tanzania.
Bwebatuuse mu kibuga Kaliisizo olwo nebakyetoloola e mirundi nga musanvu, ng’eno abasirikale ba Revenue bwebawandagaza amasasi mu bbanga, ekireetedde abantu mu town eyo okujagalala.
Wabula oluvanyuma emmotoka eno ekika kya Wish ekutuse akakono neyesolossa mu mukutu ogutaambuza amazzi, olwo ddereeva agibaddemu Ssekigoye Blick naabukamu nadduka.
Bamusiimbyeko nebamukwata era kati akuumibwa ku police ye Kaliisizo.
Ate yo emmotoka esaangiddwamu engoye n’ebizigo ebigambibwa nti abadde abikukusa.
Omu kubasirikale ba Revenue atayagadde kumwatuukiriza linnya agambye nti emmotoka eno bulijjo ebajojjobya ng’ekukusa amagendo, ng’omugoba waayo abalema okukwata olw’obukugu bwayolesa mukuvuga, nti kyokka ku luno bafunvubidde okumunyweza.
Ebyo ngabikyali bityo, okuvavaako kw’amasanyalaze mu bitundu bye Kyotera ebitali bimu gasanyalaza emirimu.
Bisakiddwa: Ssozi Ssekimpi Lwazi
