Akakiiko keby`okulonda aka The Electoral Commission of Uganda kalangiridde ennaku z`omwezi nga 15th January,2026, nti lwennaku olw`okulonderako President n’ababaka ba Parliament.
Akakiiko era kategezezza nti kakuyege wabwe wakukomekerezebwa nga 13th January,2026.
Enteekateeka eno erangiriddwa Ssentebbe w’akakiiko akeby`okulonda Omulumuzi Simon Mugenyi Byabakama, ng’asinziira Ku kitebbe ky’aakiiko kano mu Kampala.
Abaasunsulwa okuvuganya ku bwa president bali 8, okuli Frank Kabinga wa Revolutionary People’s Party, Mubarak Munyagwa owa Common Man’s Party, Robert Kasibante wa National Peasants’ Party, Yoweri Kaguta Museveni wa NRM, Robert Kyagulanyi Ssentamu wa NUP, Elton Joseph wa Conservative Party, Mugisha Muntu wa ANT ne Nandala Mafaabi wa FDC.
Omulamuzi Byabakama era alabudde abegwanyiza okuba ababaka ba parliament abagenda okusunsulwa, okwewala okumenya amateeka nga batambula n’ebikoosi by’abantu.
Simon Mugenyi Byabakama era abalabudde obutagenda kusunsulwa nga balina ebisanyizo byebatatuukiriza, nti kubanga bwebanasazibwamu ssente zabwe sizakubaddizibwa.
Bisakiddwa: Musisi John
