Omukago ogulwanirira eby’obuwangwa n’ennono mu Africa ogwa AIDO network International gusabye abakulembeze mu kkaddiyizo lya Bungereza ne mu matendekero agenjawulo, bakole ku nteekateeka eddiza abakulembeze bÉnnono ebintu ebyÓmuwendo byonna ebikyali mu makaddiyizo agenjawulo, bikozesebwe mu kutumbula ebyobulambuzi mu Africa.
Mu nsisinkano ne bannamawulire ebadde ku Exelsis Hotel e Kisaasi egendereddwamu okunnyikiza Obumu mu bakulembeze bÉnnono era nga guno mulundi gwa kusatu nga basisinkana, bategeezezza nti ssemazinga wa Africa afumbekeddemu ebyobulambuzi ebyetoloolera ku buwangwa, kyokka nga bingi bikyali mu mikono gyÁbazungu abaali abafuzi b’amatwale.
President wÓmukago gwa AIDO Network International Paul Jones Eganda, ategeezezza nti wakyaaliwo enzikiriziganya ezenjawulo ezigenda mu maaso, wakati wÁbakulembeze bÉnsikirano mu Africa nábaddukanya ekkaddiyizo lye Bungereza okulaba nga ebyomuwendo bino biddizibwa, kyokka nga kino kirina kukolebwa oluvannyuma lwÓkukkiriziganya.
Eganda ategeezezza nti ebimu ku bintu eby’omuwendo ebikyali mu bazungu ebyetaaga okuzzibwa mu Africa mulimu Engoma, Ebibbo,Embira , Obwambe obwedda, Omutwe gwe Luzira, Zzaabu nébintu ebirala bingi , nga bino ssinga bizzibwa mu Africa eby’obulambuzi byakwongera okugundiira.
Ghana yeemu ku mawanga agaali gaddiziddwa ebintu byayo byonna eby’omuwendo kyokka byagiweebwa okumala emyezi ebiri gyokka, nebizzibwayo e Bungereza ku bigambibwa nti teyalina busobozi bubikuuma nga tebitaataganyiziddwa.
Bisakiddwa: Kato Denis
