Eggye lyéggwanga erya UPDF ligumizza banna Uganda obutaterebuka era basigale nga bakkakkamu oluvanyuma lw’abateeberezebwa okubeera abatujju 3 abaakattibwa mu mwezi gumu ogwa June 2025, mu kibuga Kampala.
Nga 03 June,2025 abateeberezebwa okubeera abatujju 2 battibwa ekiteeberezebwa okuba bbomu gyebaali bateekateeka okutulisa mu bitundu by’e Munyonyo, ate owokusatu yattiddwa okumpi n’akatale ke Kalerwe nga 22 June,2025.
Abaakattibwa kuliko abakazi 2 n’omusajja 1.
Eggye ly’eggwanga erya UPDF lyategeezezza nti omukazi eyabadde eyagala okutegeka bbomu ku Kalerwe, babadde bamugoberera okumala ebbanga lya nnaku 5, era nga webaamuttidde yabadde ayagala kugitega mu katale ke Kalerwe mu gombolola ye Kawempe.
Ayogerera amaggye, Brig Felix Kulaigye, agambye nti nti ekibinja kyámagye ekitegulula bbomu kiri bulindaala okwanganga abatujju bano, nga bwekikoze ku basatu abaakattibwa.
Mu ngeri yeemu Kulaigye ategeezezza nti eggye lya UPDF n’amagye ga Amisom, beddizza enkambi emu e Somalia eyali yyawambibwa abatujju ba Al-shabab, nti naye waabaddewo okulwanagana n’okufiirwa abasirikale ba UPDF 7, baagambye nti bano baakukomezebwawo kuno baziikibwe ku butaka.
Bisakiddwa: Ddungu Davis
