Police mu Kampala n’emiriraano ekutte abakubi b’ebidongo/ DJ n’abalabirira ebifo ebisanyukirwamu bonna omugatte 9, ku bigambibwa nti basangiddwa nga bawoganya ebidongo okusuka essaawa ezikkirizibwa.
Gyebuvuddeko police yayisa ebiragiro eri abaddigize obutasuka saawa mukaga ogw’ekiro nga bakyawoganya ebiddongo byabwe, okuwa omwagaanya abantu ababiriraanye okwebaka, n’okunyweza obutebenkevu mu bitundu.
Mu bikwekweto ebikoleddwa police abakwate basangiddwa Kira- Bweyogerere mu district ye Wakiso, nga batumbudde ebiddongo okuyita mu saawa ezasibwawo.
Abakwate ye Byarugaba Peter, Kasiime Osbat ,Atiku Simon,Akanuda Brenda, Pandi Ramathan ne Obitta Robert era bano bakwatiddwa n’ebiddongo byabwe.
Omwogezi wa police mu ggwanga Fred Enanga asinzidde ku police e Naguru nategeeza nti abakwate bakutwalibwa mu kooti bavunaanibwe.#
