Abatuuze e Kityerera mu district ye Mayuge baguddemu enkyukwe, banaabwe babiri ababadde bagenze okuvuba mu nnyanja Nalubaale bagudde mu mazzi omu n’afiiramu nga badduka amagye alwanyisa envuba embi.
Kigambibwa nti Sadam Walusaga ne munne asimattuse Bagoole Ben babadde bavubira ku kaato akatono nebalengera eryato nga liriko bajaasi abalwanyisa envuba embi, nebagezaako okudduka wabula erya bajaasi neribatomera nebagwa mu mazzi.
Councillor we gombolola ye Kityerera ku district e Mayuge Bituuso Jaffari agambye nti omulambo gwa Walusaga guzuuliddwa.
Bisakiddwa: Kirabira Fred
