Nnamutikkwa w’enkuba akedde okufudemba ataataaganyizza emirimu mu Kampala neebitundu ebiriraanyewo nga kiteeberezebwa abaana bokunguudo 4 bafiiriddemu, saako okwonoona emmaali y’abasuubuzi.
Amaduuka agasiinze okukosebwa gegaliraanye omwala gw’e Nakivubo.
Mu bitundu by’omukisenyi kiteeberezebwa nti abaana bookunguudo 3 amazzi agakulukuta gabattidde mu myala, bagenze okuddusibwa mu ddwaliro mu Kisenyi nga bamaze okussa ogw’enkomerero.
Kansala Mariam Nansamba, atwala ekitundu kino ategezeza nti bazze beemulugunya ku mwala gwa Jigula mu Kisenyi, nga buteerere era nti bangi abantu bakoseddwa byansusso.
Abasuubuzi abawerako bategeezezza nti emaali yaabwe amazzi gagitutte.
Issa Ssekitto ayogerera ekibiina ekitaba abasuubuzi mu Kampala ekya KACITA, agambye nti bazze beemulugunyiza government ku nsonga eno nga buteerera.
Minister omubeezi owa Kampala Kyofa Togabye Kabuye agambye nti gavumenti ekola ekisoboka okubaako kyekola okutereza embeera.
Kyofa mungeri yeemu asasidde abafudde naagamba nti bakubaako kyebakolawo.
Bisakiddwa: Ddungu Davis ne Musisi John
