President Museven asuubizza abé Masaka enkulaakulana – abalagidde baleme kugitabikamu byabufuzi

President Yoweri Kaguta Museveni asuubizza nti alina enteekateeka nnene ey’okuggya banna Uganda mu bwavu mwebeekuyengera, era násaba abantu obutatabika byabufuzi mu nkulaakulana.

President agambye nti aluubirira abantu bonna balekere awo okukola mmere ya leero, wabula bakole nga bafissa ne ku nsimbi.

Agambye nti government netegefu okukituukiriza mu buli kitundu kya ggwanga, nga kigenda kukolebwa kitundu ku kitundu.

Abadde Masaka ku kulambula kwaliko mu bbendobendo eryo okugenda okumala ennaku 3, nagamba nti ebyenkulaakulana tebisaana kutabiikirizibwamu byabufuzi, olwo abantu lwebajja okuganyulwa ekyenkanyi mu nteekateeka za government ez’okubaggya mu bwavu babeere mu bulamu obweyagaza.

Mu kulambula kuno president Museven asuubizza abavubuka abalina ebibiina byebegattiramu okubawa ensimbi, bongere okwekulaakulanya.

Mu basuubira okuwebwa ensimbi zino kuliko abe Kamuzinda mu gombolola ye Kyanamukaaka mu district ye Masaka, aba Bukoto Central youth link abegattira mu kibiina kyabwe ekya Buyasso Coffee factory ekirimu ba memba abasoba mu 2000 ,nga begattira wamu mu kulima emmwanyi.

Ssentebe we kibiina kino ategeezezza President Museven nti basoomoozebwa mu bye ntambula nebasaba abawe FUSO box body n’akkiriza okugibawa.

Bano era basabye president abawe ekyuma ekikuba kaawa president kyabasuubizza.

Olukungaana olusoose mu Buddu President Museven alukubye ku Masaka Liberation Grounds nga lwetabiddwamu ebikonge bya NRM kyenkana byonna ne banna Buddu bangi ddala.

Bisakiddwa: Kamulegeya Achileo K