Bannalulungi b’ebyobulambuzi mu Buganda Nnambaziira Joan ne Nnavvubya Vanessa Leticia bakyaliddeko radio CBS okubaanjulirayo n’okugyebaza, ng’abamu ku baavujjiridde enteekateka y’okulonda bannalulungi b’ebyobulambuzi mu Buganda.
Babadde bakulembeddwamu omu ku baweereza ba Buganda Heritage and Tourism Board.
Ssenkulu wa CBSFM Omuk. Michael Kawooya Mwebe abawadde amagezi okwettanira okusoma ebyafaayo ku nnono n’obuwangwa bwa Buganda, olwo batuukirize bulungi bw’obuvunaanyizibwa obuboolekedde.
Abasabye n’okuwuliriza ennyo CBS n’okubeera ababaka baayo yonna gyebanaagenda olw’ebirungi ebigiriko.#
