Abakulembeze ba National Unity Platform batuuse ku nzikiriziganya, okugenda mu maaso n’enteekateeka zabwe ez’okuggulawo ekitebe kya NUP e Makerere ku Kavule mu Kampala.
Wabula okusinziira ku mwogezi wa police mu Kampala n’emiriraano Patrick Onyango, police siyakubakkiriza okuyisa ebivvulu mu Kampala n’omwetoloola ekitebe.
NUP yabadde yakuggulawo ekitebe kino ku Thursday nga 03 November,2023, wabula bwagenze okukya ku makya nga kyebulunguluddwa amagye ne police.
Amyuka RCC we Kawempe Yasin Ndidde yagambye nti omukulembeze w’eggwanga yabadde wakulambula ekitundu ekyo ekirimu ekitebe kya NUP, nga n’olwekyo baabadde tebayinza kukkiriza mukolo mulala gwonna okugenda mu maaso.
NUP yasazeewo okwongezaayo emikolo, wabula era police yazeemu okubalabula nti baabadde sibakukkirizibwa okugiggulawo nga tebasoose kwogeraganya nayo.
Olunaku lwa Friday abasirikale bazeemu okuyiibwa okwetoloola ekitebe kya NUP.
Wabula Patrick Onyango ategezezza nti baliko enzikiriziganya gyebatuseeko, aba NUP bagende mu maaso n’emikolo gyabwe munda mu kitebe.#