Ttiimu y’eggwanga ey’omupiira ogw’ebigere eya Uganda Cranes eyongedde okulaga eryanyi mu mpaka z’okusunsulamu amawanga aganaakiika kikopo kya mu Africa Cup of Nations omwaka ogujja 2025, bw’ekubye bamulirwana aba South Sudan goolo 1-0 mu kisaawe e Namboole ekibadde kikubyeko obugule.
Uganda Cranes erumye n’ogwengulu okuwangula omupiira guno,era goolo ya Uganda Cranes emu bweti eteebeddwa omuzibizi Bevis Mugabi mu kitundu eky’okubiri.
Kakaano Uganda Cranes eyongedde okwenywereza ku ntikko y’ekibinja K n’obubonero kati 7.
Ttiimu y’eggwanga ey’omupiira ogw’ebigere eya Uganda Cranes esigadde ekulembedde ekibinja K, wadde South Africa bwe bali mu kibinja ekimu, ekubye Congo Brazaville goolo 5-0.
Uganda Cranes ekulembedde ekibinja kino n’obubonero 7 okuva mu mipiira 3, oluvanyuma lw’okuwangula South Sudan goolo 1-0 e Namboole.
Wabula Uganda erina enjawulo ya goolo 3, ate South Africa bwe basibaganye ku bubonero 7, erina enjawulo ya goolo 6.
Kyokka olw’okuba Uganda yalumba South Africa omwayo e Johannesburg ne bagwa amaliri ga goolo 2-2, olwo Uganda ebeera ekyakulembedde ekibinja kino, okusinziira ku tteeka ly’ensengeka y’omupiira erya Head to Head.
Kakaano Uganda Cranes egenda kukomawo mu kisaawe ku Tuesday nga 15 October,2024 okuddingana ne South Sudan e Juba.
South Sudan esigadde ekyasembye mu kibinja kino K, nga mu mipiira 3 gye yakazannya tenafunayo kabonero konna.
Bisakiddwa: Isah Kimbugwe