Omuzannyi w’omupiira munnauganda Mustafah Kizza mu butongole yegasse ku club ya Telecom SC egucangira mu liigi y’ekibinja eky’okubiri mu ggwanga lya Misiri.
Omuzibizi Mustafah Kizza okugenda mu club ya Telecom avudde mu club ya Express mukwano gwabangi eya Uganda Premier League gy’ebadde yegattako kuntandikwa ya season eno 2024/25.
Mustafah Kizza okugenda mu Express yava mu club ya KCCA gye yayabulira olw’endaganoye okugwako season eyayita.
Afuuse munnauganda ow’okubiri okuzannyira mu club ya Telecom SC, eyasooka ye Geoffrey Massa eyabazannyira wakati wa 2009 okutuuka 2011 nga ava mu Jomo Cosmos eya South Africa.
Mustafah Kizza era yegasse ku bannauganda abalala okuli Joachim Ojera, Allan Kyambadde ne Joseph Ochaya abazannyira mu liigi y’ekibinja eky’okubiri e Misiri.
Mustafah Kizza era azannyiddeko mu America ne Portugal.
Bisakiddwa: Isah Kimbugwe