Bannamaggye babiri ababadde bakulira ekitongole ky’eggwanga ekivunaanyizibwa ku bantu abayingira n’okufuluma eggwanga ki Directorate of citizenship and Immigration control okuli Maj General Apollo Kasiita Goowa ne Brig General Johnson Namanya baabulidde ekitongole kino nebaddayo mu maggye okuweebwa emirimu emirala.
Ekitongole kino bakimazemu emyaka 8 nga bebakikulembera ku ntikko, wabula nnaku ntono eziyise obukulembeze bw’amaggye bwabalagira baddeyo mu maggye baweebwe obuvunaanyizibwa obulala.
Bawaddeyo ofiisi ku mukolo ogubadde ku kitebbe kya ministry y’ensonga zomunda mu ggwanga? nga gukulembeddwamu omuteesiteesi omukulu mu ministry eno Lt.General Joseph Musanyufu.
Abadde akulira ekitongole kino Maj General Apollo Kasiita Goowa nga yabadde Chief of Citizenship and immigration offiisi agikwasiza Colonel Geoffrey Kambere, nga yasigadde agikuuma okumala ekiseera.
Brigadier General Johnson Namanya abadde Commissioner citizenship and passport control , office agikwasiza Murari Moses agira agiddukanya, okutuusa omukulembeze w’eggwanga lwanaalonda abadda mu bigere bya bannamaggye bano.#
