Omutendera ogw`okusatu ogwa program Entanda ya Buganda nantaggwa buwoomi gutandise namanyi.
Olumeggana olubaddewo mu kiro nga 27 Museenene 2025, luwanguddwa Munnakyaddondo Nsobya George eyeddira Effumbe afunye obugoba 27, naddirirwa Munnabuddu Nakavuma Proscovia eyeddira Engo afunye obugoba 19 era bombi bayiseewo okwesogga omutendera oguddako ogw`okuna.
Munnakyaggwe Ssekiziyivu Ronald eyeddira Enkima awandukiddemu ku bugoba 14.
Abamegganyi abagenda mu nsiike ekiro kyaleero nga 28 Museenene, kuliko Omusese Mpanga Ronald eyeddira Effumbe, Munnabuddu Kiriisa Henry eyeddira Engabi Ensamba, wamu ne Munnabutambala Nsubuga Robert eyeddira Emmamba Namakaka.
Program Entanda ya Buganda egenda kukomekerezebwa mu Lubiri e Mengo mu nkuuka y`omwaka nga 31 Ntenvu,3025.
Ewagiddwa Kkampuni yessimu eya MTN Uganda ng’abawavujirizi abakulu, wamu n’essomero lya Timnah School Luweero, Samona n’akanzaali ka Tayaali mucuuzi mix.
Bisakiddwa: Musisi John
