Abantu babiri bafudde n’abalala 9 baddusiddwa mu ddwaliro ekkulu e Mulago nga bali bubi taxi mwebabadde batambulira NO.UAW 987 Y eremeredde omugoba waayo neyeesolossa mu kiwonvu ekiri ku nkulungo ya Nile Avenue okumpi ne Serena Hotel mu Kampala.
Taxi ebadde eva mu Kampala ng’eyolekera ebitundu bye Jinja.
Ekubye ekigulumu neyesolossa wansi mu kiwonvu.
Abadduukirize bagezezaako okusika emmotoka egwiridde abamu ku basaabaze, nebalemererwa.
Poliisi etaakiriza abagudde ku bibamba wetuukidde netandika okusala ebyuma bya taxi okusikayo abantu, wabula ababiri abafudde ebadde ebanyigidde wansi bagenze okubatuukako nga bafudde.
Okusinziira ku kiwandiiko ekifulumiziddwa omwogezi w police y’ebidduka Faridah Nampiima, ekivuddeko akabenje tebanazuuka,wadde nga bakitegeddeko nti taxi ebadde ku misinde mingi.
Ekifo awagudde akabenje kano kizze kigwamu obubenje obuwerako, kyokka abakivunaanyizibwako tebatwalanga mutawaana kuteekawo byuma biziyiza mmotoka kugwa wansi eyo mu kiwonvu
