Ttiimu y'eggwanga ey'omupiira ogw'ebigere eya Uganda Cranes egudde maliri ne Democratic Republic of Congo DRC goolo 1-1 mu mupiira ogw'omukwano oguzanyiddwa mu kisaawe kya FNB Stadium e Johannesburg mu South Africa. 

Omuzannyi Nathanael Mbuku yasoose okuteebera DRC mu dakiika eye 63 olwo Uganda neteeba goolo ey'ekyenkanyi mu dakiika eye 90 okuva ewa James Bogere. 

Uganda Cranes ekubye ebizungirizi 8 ku goolo ya DRC nga ebizungirizi 2 bye bibadde mu mimwa gya goolo. 

Dr Congo ekubye ebizungirizi 15 ku goolo ya Uganda Cranes, nga ebizungirizi 2 bye bibadde mu mimwa gya goolo ya Uganda. 

Omutendesi wa Uganda Cranes Paul Joseph Put mu mupiira guno atandisizza abazannyi okubadde omukwasi wa goolo Kingdom Osayi, Gaucho Debohi, Sadam Masereka, Tobby Sibick, Kenneth Ssemakula, Abdoulaye Sissako, Kelvin Boateng, Anorld Vula, Diaby Souleymane, Baba Al Hassan ne Toto Majub.

Guno gubadde mupiira ogw'okubiri ogw'omuddiringanwa ogw'omukwano wakati wa ttiimu zombiriri, nga omupiira ogwasoose ku lw'okutaano oluwedde Uganda Cranes yakuba DRC goolo 2-0. 

Kati Uganda Cranes ejja kukomawo mu kisaawe nga 11 omwezi ogujja ogwa.November okuzannya ne Botswana wano mu Uganda mu mpaka za Africa Cup of Nations Pamoja Qualifiers. 


Bisakiddwa: Isah Kimbugwe