President wa Uganda Yoweri Kaguta Museveni aliko abakulu 13 bawanzeeko eddusu okufuuka abateesiteesi abakulu mu ministry ezenjawulo.

Mu bbaluwa gyawandiikidde akulira abakozi ba government era omuwandiisi w'olukiiko lwaba minister Lucy Nakyoobe, president Museveni amulagidde yetegereze era akube ttooki mu bantu abo, amubuulire oba balina obusobozi nebisaanyizo ebibakkiriza okubeera mu bifo byayagala baweererezeemu.

Kuliko Edward Ssenguzi under secretary mu ministry y'byensimbi n'okuteratekera eggwanga,  gwawanzeeko eddusu abeere Kalaani wa parliament, adde mu bigere bya Adolf Mwesigye aliyo mu kiseera kino.

 Emmanuel Freddie Mugunga under secretary mu ministry y'rbyettaka namayumba ayagala abeere omuteesiteesi omukulu mu offiisi ya Ssaabaminister w'eggwanga, adde mu bigere bya Alex Kakooza aliyo mu kiseera kino.

Abalala ye Moreen Kasande under secretary mu ministry ya ssemateeka n'essiga eddamuzi,omukulembeze w'eggwanga ayagala abeere omuteesiteesi omukulu mu offiisi ya kaliisoliiso wa government okudda mu bigere bya Rosette Kafeero aliyo mu kiseera kino.

Sheba Kyobutungi Rujoki, afuuke omuteesiteesi omukulu mu ministry ya science ne tekinologiya.

 Kenneth Akiri undersecretary mu ministry yebyobulamu omukulembeze ayagala kumusindika mu ministry y'amazzi n'obutonde bwensi, okudda mu bigere bya Dr.Alfred Okot Okidi 

 Babra Namagembe amusindiise mu ministry y'ebyobulimi ,obulunzi n'obuvubi okudda mu bigere bya Brig.General David Kasura.

Ambassador Charles Ssentongo akulira eby'ekikungu mu ministry y'ensonga z'emawanga amalala omukulembeze weggwanga gwalonze okubeera omuteesiteesi omukulu mu ministry eyo ey'ensonga zamawanga amalala okudda mu bigere bya Vincent Bagiire.

 Professor Stephen Akandwanaho  gwayagala agende  mu ministry y'amawulire, tekinologiya n'okulungamya eggwanga okudda mu bigere bya Hajjat Amina Zawedde.

Mark Sseremba commissioner w'abakozi mu ministry yebyobulimi n'obulunzi omukulembeze w'eggwanga gwalonze ng'imuteesiteesi omukulu mu ministry y'abakozi ba government okudda mu bigere bya Catherine Bitarakwate 

Eng Flavia Guto Bwiire omukulu gwawanzeeko eddusu okubeera omuteesiteesi omukulu mu ministry y'ebyentambula n'enguudo okudda mu bigere bya Waiswa Bageya.

Edith Buturo undersecretary mu ministry y'ebyokwerinda omukulu gwalonze okubeera omuteesiteesi omukulu mu ministry eyo okudda mu bigere bya Rosette Byengoma.

Aggrey Wunyi omuteesiteesi omukulu owa Police omukulembeze weggwanga gwawanzeeko eddusu okubeera omuteesiteesi omukulu mu ministry y'ensonga za East Africa, okudda mu bigere bya Edith Mwanje aliyo mu kiseera kino 

Betty Mutesa Cwinya alondeddwa okubeera omuteesiteesi omukulu ow'akakiiko k'eggwanga akagaba emirimu ka public service commission okudda mu bigere bya Dr. John Geofrey Mbabazi.

Omuwandiisi omukulu ow'olukikko lwaba minister era akulira abakozi ba government Lucy Nakyobe yalindiriddwa okukuba ttooki mu bakulu, omukulembeze weggwanga bawanzeeko eddusu, batere batandike emirimu gyabwe.#