Omulangira Edward ayaniriziddwa Katikkiro wa Buganda Charles Peter Mayiga, Nnalinnya Agnes Nabaloga n’Omulangira David Kintu Wasajja, n’Omulangira Crispin Junju Kiweewa.

Omulangira atuuse mu Bulange ku ssaawa nnya ezokumakya, nga 20 March,2024.

Prince Edward awerekeddwako omubaka wa Bungereza mu Uganda Kate Airey n’abakungu abalala.

Nnaalinnya Agnes  Nabaloga yeyetisse obubaka bwa Ssaabasajja Kabaka.

 Prince Edward ng’akwasa Nnalinnya Agnes Nabaloga ne Katikkiro Mayiga ebirabo 
Nnalinnya ne Katikkiro nabo baliko rkirabo kyebatonedde Princess Edward

Ekitongole kya Duke of Edinburgh International awards kisse omukago n’Obwakabaka bwa Buganda mu nteekateeka y’okwongera okubangula abavubuka mu bintu ebyenjawulo.

Omukago guno mu kussibwaako omukono mu Bulange e Mengo, Obwakabaka bwa Buganda bukiikiriddwa ssenkulu w’Ekitongole ekisiga nsimbi mu Bwakabaka ki BICUL Omuk. Roland Ssebuufu ng’ajuliddwa minister w’abavubuka eby’emizannyo n’ebitone Owek Robert Sserwanga Ssalongo, ssonga ku ludda lwa Bungereza olukulembeddwamu Omulangira Edward Duke of Edinburgh William Blick yaataddeko omukono,  omuyimaawe abadde Aisha Wamala.

Katikkiro wa Buganda Charles Peter Mayiga agambye nti  mu bbanga lya myaka 149 nga Obwakabaka bwa Buganda bukolagana n’Obwa Bungereza,waliwo ebituukiddwako bingi mu nkulaakulana y’Obwakabaka bwa Buganda,omuli okutumbula Obuwangwa n’Ennono kko n’enkulaakulana.

Omulangira Edward ye muggalanda wa Queen Elizabeth II ne Prince Phillip.

Prince Edward Duke of EdinBurg ng’ateeka omukono mu kitabo ky’abagenyi mu wofiisi ya Katikkiro wa Buganda Charles Peter Mayiga mu Bulange e Mengo. Nga 30 March,2024

Prince Edward Duke of Edinburgh nga amannyage amajjuvu ye Edward Antony Richard Louis yazaalibwa nga 10 March,1964 mu lubiri lwe Buckingham.

Alina abaana basatu n’omukyala Sophie gweyawasa mu 1999.#