Ttiimu y'eggwanga ey'omupiira ogw'ebigere eyabazannyi abatasusa myaka 17 eya Uganda Cubs esitukidde mu mpaka za Cecafa U17 Africa Cup of Nations Qualifiers 2027, bwekubye Somalia mu mupiira ogwakamalirizo goolo 6 ku 5 eza peneti, oluvanyuma lw'okulemagana 0-0.


Empaka zino zibadde ziyindira mu kibuga Kigali ekya Rwanda.

Uganda Cubs oluvannyuma lw'okuwangula empaka zino egenda kukiikirira ekitundu kya Cecafa mu mpaka ezakamalirizo eza Africa Cup of Nations U17 ezinabaawo omwaka ogujja 2027.

Cecafa egenda kukikirirwa amawanga 3 okuli Uganda ewangudde empaka zino ez'okusunsulamu, Somalia ekutte ekifo eky'okubiri ne Rwanda ekutte ekifo eky'okusatu. 

Abazannyi ba Uganda Cubs Henry Muhoozi yalondeddwa nga asiinze okucanga endiba mu mpaka zino, David Ssegirinya yasiinze okukwata goolo ate Anorld Kayemba yasiinze okuteeba goolo. 

Uganda kati egenda kuvuganya mu mpaka zino omulundi gwayo ogw'okusatu ogwomuddiringanwa.#

Bisakiddwa: Isah Kimbugwe