Ttiimu za Masaza 8 zesozze omutendera gwa quaterfinal mu mpaka z'Amasaza ga Buganda ez'omupiira ogw'ebigere oluvanyuma lw'omutendera gw'ebibinja okukomekerezebwa.

Kyaggwe, Gomba, Buddu, Kyadondo, Busujju, Butambala, Mawogola ne Bugerere ge gatuuse ku quaterfinal. 

Mu kibinja Masengere Kyaggwe ekubye Ssese goolo 1-0 e Mukono.

Gomba ekubye Mawokota goolo 3-1 e Kabulasoke.

Bulemeezi ekubye Busiro goolo 5-1 e Kasana Luweero. 

Mu kibinja Muganzirwazza Mawogola ekubye Butambala goolo 3-2 e Ssembabule.

Ssingo erumbye Kabula omwayo e Lyantonde n'egikubirayo goolo 3-0.

Bugerere nayo erumbye Kkooki omwayo e Kyotera n'egikubirayo goolo 2-0. 

Mu kibinja Bulange Buddu egudde maliri ne Buvuma goolo 0-0.

Buluuli egudde maliri ne Kyadondo goolo 1-1 e Kakooge.

Busujju ekubye Buweekula goolo 3-1 e Kakindu. 

Ku mutendera gwa quaterfinal Gomba egenda kuzuzumba ne Buddu, Kyaggwe yakuzannya ne Mawogola, Butambala ejja kuttunka ne Busujju ate Kyadondo yakuzannya ne Bugerere. 

Bisakiddwa: Isah Kimbugwe