Ttiimu yéggwanga eyómuzannyo gwébikonde eya The Bombers ewangudde emidaali 13 mu mpaka za Africa Boxing Elite Championships 2026, ezibadde ziyindira mu kibuga Nairobi ekya Kenya.


Ku midaali 13 kuliko egya zaabu 4, omudaali ogwa feeza némidaali 8 gyékikomo.


Abazannyi okuli Kassim Mulungi, Samuel Nsubuga Lwasa, Alfred Ojok ne Vanessa Nagawa be bawangudde emidaali gya zaabu.


Muzukulu wa Idd Amin Dada, Abdul Azizi Ringo awangudde mudaali gwa feeza.

Abazannyi okuli Arafat Kibirige, Emmanuel Tabula, Richard Kasujja, Brenda Muduwa, Erina Namutebi, Rashida Nakawooza, Diana Atwine ne Peninah Amoding be bawangudde emidaali gyékikomo.


Ttiimu ya Bombers yagenda nabazannyi 18, abasajja bali  10 nabakazi 8.


Ttiimu eno ebadde ekulembeddwamu ómutendesi Lawrence Kalyango.


Omugatte Uganda ekutte ekifo kyakusatu mu mpaka zino.


abategesi aba Kenya be bebawangudde empaka zino, ate Algeria ekutte kyakubiri, nga bonna basibaganye ku midaali 14 naye Kenya esinzeko Algeria emidaali gya feeza.

Empaka zino era zibadde zigenderera abazannyi bano okukunganya obubonero obunasobozesa abazannyi bano okukiika mu mpaka zénsi yonna eza Olympics, ezinabeera mu Los Angeles mu America mu 2028.


Bisakiddwa: Isah Kimbugwe