Abantu 2 bafiiriddewo mbulaga n'abalala 9 nebaddusibwa mu malwaliro nga bali mu mbeera mbi, Sinotruck No.UBK 495F bwesaabadde taxi No.UAT 272J ku luguudo oludda e Hoima.


Akabenje kano kagudde kumpi n'ekkolero ly'amazzi erya Westegate e Nkoowe mu district ye Wakiso.


Okusinziira police emmotoka ya Sinotruck ebadde eva ku ludda lwe Kakiri ng'edda Kampala ebadde etisse amayinja eremeredde omugoba waayo neesaabala emmotoka endala nnya, omuli ne taxi ebadde esimbye emabbali g'ekkubo ng'etikka basaabaze nejikuluggusa okutuusa lweginyigidde ku kisenge.


Emmotoka endala zeenyize kuliko UBB 353D Subaru Forester ne UBE 918T Toyota Wish.

Abafudde babadde mu taxi kuliko ddereeva ne Conductor, ate abalumiziddwa babadde basaabaze okuli abantu abakulu 5 n'abaana abato 4.