Abaali batereka ensimbi zabwe n’abaalina emigabo mu bank y'ebyobusubuzi eyaggalwa; eyayitibwanga National Bank of Commerce, baddukidde eri Bank enkulu eya Uganda nga baagala banka yabwe ezzibwewo, kibasobozese okuzzaawo ssente zaabwe n'okuriyirirwa.

 

Babadde mu nsisinkano eyayitiddwa Banka enkulu eya Uganda, mu kutema empenda ku ngeri gyebayinza okuyambamu abantu abaali batereka ensimbi zabwe ne Banka eno, kko n'okuwuliriza okwemulugunya kwabwe ng’ensisinkano eno eyindidde ku woteeri ya 4 points by Sheraton mu Kampala. 

 

Governemnt yaggalawo Bank eno, ng’ennaku  27 September,2012, olw'ensonga ezenjawulo omwali n'okubanga yali tekyarina nsimbi zakugiddukanya, ekintu ekyaleka abasuubuzi mu kusoberwa. 

 

Abamu ku baali batereka mu Bank eno nga bano bawangaalira mu bitundu bya Kigezi, balaze enyiike, nga bagamba nti bangi ebyenfuna byabwe byadda emabega nga byona byava ku kuggalawo Banka eno, awataali na kubawa budde bumala kweteekateeka nakuggyayo ensimbi zabwe. 

 

Bagamba nti baatuka n'okulowooza oba Bank yaabwe yatundibwa eri Crane Bank, nga bwekiba kituufu baagala bakimanye. 

 


Geoffrey Kayanja, munnamateeka weyali Board Chairman ku kakiiko ka Bank eno, Amos Nzeyi, agamba bbo kyebasinga okwetaaga ye Bank yabwe okuddamu okuggulwawo kuba yali ebayamba, ngera beteefuteefu okukola kyonna ekyetagisa. 

 

Agambye nti ekisinga okubennyamiza kwekufiirizibwa kwe baayitamu oluvanyuma lw'okuggalwawo nga n’okutuusa kati abamu bakyali mu mabanja.

 


 

Wabula ku ludda lwa Bank enkulu eya Uganda, Stephen Lukwago okuva mu department ya Bank Resolution akabatemye nti tekikyasoboka kuddamu kuggulawo Bank eno, wabula naabawa amagezi nti bwekiba kisoboka baddemu okusaba license buto, n'okunoonya ensimbi obuwumbi 150, zebasobola okutandikirako ng'amateeka bwegalagira. 

 

Ku nsonga yokuliyirila abaali abakozi mu Bank eno, naabali bagibanja, ensimbi ezo zirina kuva mu bintu ebyali ebya Bank eno, ebikyatundibwa, wabula nga ziyiinza okuba ez'omuswaba kubamu ebimu byali byayonooneka. 


National Bank of Commerce mu kusooka yayitibwanga Kigezi Bank of Commerce, nga yatandikibwawo mu 1991.


Nga 27 September, 2012 bank enkulu eya Uganda yagyiggalawo.

 

Bisakiddwa: Nabagereka Edithie