Nga Obuganda bwetegekera omupiira ogwakamalirizo ogw’empaka za Masaza ga Buganda wakati wa Kyaggwe nga ettunka ne Gomba, abateesiteesi  bulambudde ekisaawe kye Wankulukuku ewagenda okubeera ensitaano eno.

 

Omupiira guno gujja kuzannyibwa nga 31 omwezi guno ogwe 10,2026.


Wakusookawo Butambala nga ettunka ne Bugerere mu mupiira ogw’okulwanira ekifo eky’okusatu.

 

Obwakabaka nga bukulembeddwamu minister w’ebyemizannyo abavubuka n’ebitone Owek Ssalongo Robert Sserwanga, olukiiko oluteesiteesi olukulembeddwamu ssentebe Hajji Sulaiman Ssejjengo nabalala abakwatibwako ensonga, balambudde ekisaawe kye Wankulukuku okwongera okwetegereza embeera gyekirmu.

 

Owek Ssalongo Robert Sserwanga agambye nti ekisaawe kino kiri ku mutindo ogutegeka omupiira guno, kyokka nti bagenda kukola kw’ebyo ebibulamu mu bwangu ddala okuggyayo omutindo gw’empaka zino.

 

Bisakiddwa: Isah Kimbugwe