Katikkiro Mayiga ayanjulidde ababaka ba parliament abava mu Buganda ensonga zebalina okussaako essira - okusoosowaza Nnamulondo kyankizo

Katikkiro wa Buganda Charles Peter Mayiga asabye ababaka ba parliament abava mu bitundu bya Buganda, okwongera okussa essira kwebyo Buganda byeyetaaga, mu kifo ky’Okusoosowaza ebibiina by’Obufuzi byokka byebavaamu.

Ababaka bano abasisisnkanidde mu Bulange e Mengo.

 Katikkiro ayogedde ku bintu Buganda byeyagala ababaka balowozeeko; omuli okulwanirira Namulondo, Enfuga egoberera amateeka, engabanya ya Keeki ya Uganda, n’Okulwanyisa okutyoboola eddembe ly’Obuntu.

Katikkiro asabye ababaka ba parliament abava mu Buganda obutava ku Ssaabasajja Kabaka , okunyweza Obumu mu bantu ba Kabaka ,era asabye enfuga y’Okugabana Obuyinza n’Obuweereza esoosowazibwe, ku lw'enkulaakulaya eyannamaddala.

Mu ngeri eyenjawulo Katikkiro yebazizza government olw’Obuwagizi obwenjawulo bwewadde Obwakabaka , omuli okubunyisa amasannyalaze mu byalo,  okuzimba amasomero n’amalwaliro.

Omubaka wa parliament akiikirira Buvuma era nga ye minister avunaanyizibwa ku by'obuvubi Robert Migadde Ndugwa, ategeezezza nti ng'ababaka beekozeemu Omulimu okuwagira Obwakabaka, era bawaddeyo obukadde bwa shs 51. n'ekitundu mu nkola ya Luwalo lwange, okukwasizaako Obwakabaka okugula eryato ly’Eddwaliro eriseeyeeyeza ku mazzi.

Bisakiddwa: Kato Denis