Banna pewosa 15 ab'ekibiina kya Kuteesa Community Managed Saving Group abali wansi wa SACCO ya CBS Pewosa abasangibwa e Kakindu mu Town Council eye Katabi e Ntebe,   bakwasiddwa ebyapa  by'ebibanja byebewangulidde mu kutereka kwabwe okwe bbanga lya myaka 2.

 Kuteesa Community Managed Saving Group kye kimu ku bibiina bya CBS Pewosa ebisoba mu 250 ebiri mu Ggombolola ya Sabaddu Katabi.


Bamazeeko omwaka gwabwe ogwe 12 mu nkola eyokutereka n'okwewola, ate nga waliwo ne ba member abevaamu nebatondawo enkola eyokwekulakulanya okusukka ku sente zebatereka, nebatandikawo okusiga ensimbi   eya Investment shares.

Mu lutuula lwa leero olutudde ku Two Line e Kawuku ku luguudo lw' Entebe ba memba bano e 15 abakwasiddwa ebyappa babuganye esanyu era bibakwasiddwa Senyondo Joseph Ssaava okuva ku kitebe kya CBS PEWOSA EYETEREKERA SACCO e Mengo,nokubasiima olwokwewaayo mu bwegassi okutuukiriza ebirooto byabwe.


Ba member bano abakwasiddwa ebyapa ebiriko obugazi bw'ettaka Fuuti 50x100.


Kuliko Kakooza SadamMutebi Mubaraka,Nambasa Sumayiya,Nakanwagi Sarah,Namuddu Immaculate,Nakandi Zam,Kamulegeya Fred,Namudde Amina.Nampijja Aisha,Kavuma Joseph,Mutyaba Paul nabalala.

Bazze basonda sente zabwe era mu bbanga lya myaka 2  buli omu yasobodde okusaasula ekibanja kye ku bukadde 8.5M ku ttaka eryagulibwa abakulembeze ba Group eno e Namagera Kakiri mu district eye Wakiso.

Kakooza Sadam nga member ate omutandisi w'ekibiina kino, agambye nti kino bakituuseko nga bakulembeza obwerufu amazima wamu n'okwewaayo era bakakasa nti kigenda bazimbira ddala.


Omukolo guno ogwokukwasa bana Pewosa bano ebyapa byabwe gwetabiddwako nabamu ku bakulembeze b'ebibiina bya PEWOSA okuva mu bitundu ebirala era nabo basanyukidde enkola eno.

Sentebbe wa Kuteesa Community Managed Saving Group Mutebi Mubaraka asinzidde mu lukiiko luno nasuubiza nti ba member abatafunye ebyapa,bangi baatandika ku nteekateeka y'okugula ebikozesebwa batandike okuzimba amaka gabwe, bawone emizigo.


Bisakiddwa: Kakooza George William