Ekittavu ky’Obwakabaka ekya Mawokota CBS PEWOSA SACCO kironze obukulembeze obuggya obugenda okukikulembera okumala myaka ena.

Akakiiko akafuzi kakulemberwa Nalukwago Mary Josephine Kasozi, amyukibwa Nandutu Rehema, Nakawuka Rosemary Muwandiisi ate nga Namyalo Shamim muwanika.

Ku lukiiko luno era kuliko omwami wa Kabaka akuuma entebe y’Obwakayima Hajji Hassan Kasujja Kagga nga ono yaakikirira Obwakabaka.

Ku lukiiko luno era kuteereddwako abantu basatu abakiikirira Laadiyo ya Kabaka CBS okuli Ssekajjijja Augustus, Ssebuliba Julius ne Eng Kasujja Charles.

Mu ngeri yeemu wateereddwawo akakiiko akalondoola entambuza y'emirimu  gya Mawokota Cbs Pewosa Sacco akakulemberwa Nangonzi Joanita,  nga kuliko ne ba member babiri okuli Nakayima Harriet ne Kyagulanyi  Yodder.


 Ttabamiruka wa Mawokota cbs Pewosa Sacco omulondeddwa obukiiko obwo,   ayindidde ku Kammengo community Hall e Kammengo Mawokota.


Omwami wa Kabaka owa Ggombolola ya mumyuka Kammengo Matovu Stephen Muliika asabye banna Mawokota okwongera okwegatta ku kittavu kino beekulaakulanye.


Ssentebe omuggya owa board ya Mawokota cbs PEWOSA SACCO Nalukwago Mary Josephine Kasozi yeeyamye Obutaswaza Kabaka ng’akulembeza obwerufu.


Akulira akakiiko akalondoola entabuza y’emirimu mu SACCO eyo Nangonzi Joanitta agambye nti tagenda kukkiriza muntu yenna kuzannyira mu nsimbi z’abantu ba Kabaka.


Akulira okulungamya ebittavu bya CBS PEWOSA mu by’amateeka Leticia Namyalo Nakajiri yeebazizza abadde Ssentebe wa board ya Mawokota Cbs PEWOSA SACCO Kimbugwe Aloysius, olw'omulimu amakula gwakoze okugikulaakulanya bwatyo naasaba obukulembeze obuggya obutalya mu Kabaka lukwe.


Bisakiddwa: Ssekajjijja Augustus