Omuvuzi w’emmotoka z’empaka munnayuganda Yasin Nasser, asitukidde mungule ya Africa eya Africa Rally Championships ey’omwaka guno 2025, naggyako Uganda ekikwa kya myaka 26 nga tewangula ngule eno.
Yasin Nasser okuwangula engule abadde wamu n’omusomiwe owa maapu Ali Katumba.
Okutuuka ku buwanguzi buno bakuηaanyizza obubonero obubakumidde ku ntikko mu mpaka ezigaddewo calendar ya Africa ey’emyetoololo 5 ezibadde e Morogoro Tanzania.
Yasin Nasser yagenze okujja mu mpaka zino nga yakulembedde abavuzi bonna oluvanyuma lw’emyetololo 4 n’obubonero 114, nga asinga munnansi wa Tanzania Samman Vohra mu kifo eky’okubiri obubonero 8.
Yasin Nasser awangudde engule eno n’obubonero 135 ate munnansi wa Tanzaniza Samman Vohra akutte kyakubiri n’obubonero 134.
Uganda ebadde yakoma okuwangula engule ya Africa mu 1999, nga yawangula Charles Muhangi kati omugenzi.
Jas Mangat yali ayolekedde okungula engule eno mu 2013, kyokka yamulemerera ku ssaawa esembayo.
Bisakidswa: Isah Kimbugwe
