Nga za liigi ya babinywera eya Uganda Premier League zetegekera season ejja eya 2023/24, club ya KCCA ekakasizza nti etadde abazannyi 9 okunoonya ebibanja ewalala.
Abamu ku bazannyi bano endagano zabwe zibadde ziweddeko era abakulu ne basalawo obutaziza buggy,a ate abalala endagaano zabwe zisaziddwamu.
Abazannyi bano kuliko abakwasi ba goolo Benjamin Ochan ne Ali Mwirusi, abalala ye Geoffrey Wasswa, Allan Okello, Mustafa Kizza, Brian Kayanja, Brian Aheebwa, Brian Majwega ne Dennis Iguma.
KCCA eyakafuna omutendesi omuggya munnansi wa Portugal Sergio Traguil, nayo eri mu kwezza buggya, mu katale k’okugula abazannyi akaliwo kati yakagula abazannyi 2, okuli omu munnansi wa Brazil Joao Cardoso, omulala avudde Angola Aires Emilson.
Season ewedde KCCA yamalidde mu kifo kyakubiri mu Uganda Premier League era egenda kukiikirira Uganda mu mpaka za Africa eza CAF Confederations Cup season ejja.
Bisakiddwa: Issah Kimbugwe