Minister omubeezi ow’ensonga ze Kalamoja Agnes Nandutu asindikiddwa mu kkomera e Luzira okutuusa nga 03 May,2023 lwanadda mu kooti okusomebwa emisango gy’okwezibika eminwe gy’amabaati 2000 egyali girina òkuwebwa abantu abanaku e Kalamoja.
Omulamuzi Esther Asiimwe yamusindise mu ku alimanda, oluvannyuma lw’omuwaabi wa government David Bisamunyo okutegeeza nti okunoonyereza kuwedde ku misango egivunaanibwa minister.
Minister aleeteddwa mu kkooti ku ssaawa nga mukaaga mu mmotoka ya Police ye Kira.
Abaddeko akaseko ku matama era naawuubirako ku bannamawulire ababaddewo oluvannyuma nayingizibwa mu kaduukulu ka kkooti.
Minister Nanduttu yetutte yekka ku police enoonyereza ku buzzi bw’emisango e Kibuli era olwamaze okukunyizibwa kwekutwalibwa ku police ye Kira gyeyasuze.
Nanduttu yegasse ku ba minisita Mary Gorreti Kitutu ne Amos Lugoloobi abakaggulwako emisango gyegimu egyokwezibika amabaati gabakalamoja.
Okusinziira ku kitongole Kya ssabawaabi w’emisango gya government fayiro z’abantu abalala abasukka mu 40 zezikyakolwako.
Bisakiddwa: Mpagi Recoboam
