Omukulu wÁkasolya k'ekika kyÉmmamba Omutaka Mubiru James Ziikwa V Gabunga owa 38, akoze enkyuukakyuuka mu lukiiko olukozi lwÉmirimu, alonze munnamateeka  Denis Bugaya okubeera Katikkiro wÉkika.


Jajja Gabunga alonze Kigonya John Kikolokomba okubeera omumyuuka asooka, Daniel Kabonge ngÓmumyuuka ow'okubiri, Andrew Benon Kibuuka ye wÁmawulire nga amyukibwa Ndagire Juliet omuweereza ku Radio CBS.

Haji Jamir Ssebalu yatwaala ebyenjigiriza ate Kizito Bashir alondeddwa  okukulemberamu ebyÉmizannyo mu kika n'abalala.


Bwabadde ayanjula olukiiko luno e Mutundwe, Omutaka Gabunga asinzidde Kabowa neyeebaza olukiiko oluwumudde, olw’okwewaayo neruweereza Ekika.


Omutaka Gabunga mungeri yeemu, ataddewo olukiiko lwÁbantu 8 abakulembeddwaamu Omulamuzi Gonzaga Mbalangu , olugenda Okugonjoola enkaayana mu kika, era ono yebazizza Jjajja Gabunga olw'obwesigwa obumussiddwamu.


Katikkiro w'ekika ky'Emmamba omuggya munnamateeka Denis Bugaya, asuubizza nti waakukola kyonna ekisoboka okulaba ng'ekika kyeyongera Amaanyi, okusinga ku bwekibadde.


Bisakiddwa: Kato Denis