Abayizi 2 bebafiridde mu muliro ogukutte ekisulo ky'abayizi ku somero lya Hami Junior School e Kagoma Maganjo B Zone mu division ye Nabweru mu district ye Wakiso mu kiro kya nga 19 October,2026.

Abafudde ye Namusoke Lamia myaka 8 abadde wa P.1 ne Abdu Shakur Bwete myaka 10 abadde mu P.3.

Abakoseddwa baddusibwa mu ddwaliro ekkulu e Mulago nga bali mu mbeera mbi, okuli Miyingo Alcham Yusuf  myaka 13,  Muyimba Hamidu myaka 9 ne Kazibwe Hasadu.

Amyuka omwogezi wa police mu Kampala n'emiriraano Luke Owesigire agamba nti ba mbega babwe batandise okwekeneenya ekiyinza okuba nga ekivuddeko omuliro guno.

Luke asabye ab'amasomero okwongera okusaawo ebiziyiza omuliro ku masomero gabwe, okwerinda omuliro.

Ekivuddeko omuliro tekinategeerekeka, wabula kigambibwa nti gwandiba nga guvudde ku masannyaladde abaddeko gavaako nga bwegaddako.#