Omutendesi wa KCCA eya Uganda Premier League, Brian Ssenyondo, alangiridde Herbert Achai ku bwa captain bwa ttiimu eno okutandika ne season empya eya Uganda Premier League 2026/27.

Herbert Achai ku bwa captain buno agenda kumyukibwa Filbert Obenchan, captain ow'okubiri ye Enock Walusimbi ate ow'okusatu ye Saidi Mayanja.

KCCA mu kwetegekera season eno empya yatandise nabuwanguzi bw'empaka eza FUFA Super Eight Tournament, ezategekebwa mu kwetegekera season empya eya Uganda Premier League. 

KCCA era etongozza Bus empya kapyata eya ttiimu nga kwotadde n'omujoozi omupya ogwa season eno 2026/27.

Uganda Premier League egenda kutandika ku Friday nga  28 August,2026,nga bannantameggwa ba season ewedde aba Vipers battunka ne Entebe UPPC e Kitende.

KCCA yakuyingira ekisaawe ku lw'omukaaga nga 29 nga ettunka ne NEC mu kisaawe e Lugogo. 

Bisakiddwa: Isah Kimbugwe