Omuteebi wa ttiimu y’eggwanga ey’omupiira ogw’ebigere eya Uganda Cranes, Rogers Mato, wakwegatta ku club ya Hearts, egucangira mu liigi y’ababinywera mu Scotland ku nkomerero ya season eno.
Mu kiseera kino Rogers Mato azannyira mu club ya FK Vardar eya North Macedonia, naye season bwegwako agenda Scotland.
Rogers Mato bamuwadde endagaano ya myaka 3 mu club ya Scotland.
Mato afuuse munnauganda ow’okuna okuzannyira club ya Hearts, ng’abalala ye Tobby Sibick, David Obua ne Uche Mubiru.
Rogers Mato yoomu ku bazannyi 3 abateebedde Uganda Cranes mu mpaka za Africa Cup of Nations ezabadde e Morocco.
Mu Uganda yazannyirako club ya Proline ne KCCA.
Bisakiddwa: Isah Kimbugwe
