Ttiimu y’essaza Butambala ekiguddeko mu mpaka za Masaza ga bwekubiddwa Bulemeezi goolo 2-0 mu kisaawe kya Kasana Luweero.
Butambala kati ekubiddwa omupiira ogw’okubiri ogw’omuddiringanwa, ate nga Bulemeezi ewangudde omupiira gwayo ogusooka.
Emipiira emirala, Mawokota ekubye Ssese goolo 1-0 e Buwama, Kabula ekubye Busiro goolo 1-0 e Bakijjulula, Mawogola ekubye Gomba goolo 1-0 e Ssembabule, era kati Gomba ekubiddwa omupiira ogw’okusatu ogw’omuddiringanwa.
Kyadondo egudde maliri ne Buluuli 0-0 e Gayaza, Ssingo erumbye Kkooki omwayo n’egikubirayo goolo 2-1 e Kyotera.
Kyaggwe egudde maliri ne Buweekula 1-1 e Mukono, ate nga Bugerere ekubye Buddu goolo 1-0 wakati mu nnamutikwa w’enkuba attonye mu kisaawe e Ntenjeru.
Bisakiddwa: Isah Kimbugwe