Omubaka wa Germany mu Uganda H.E Mathias Schauer yeeyanzizza Ssaabasajja Kabaka olw’okukumaakuma abantube n’okutumbula eby’obulamu.
Abadde ayogerako eri Nnassiisi w’omuntu adduse emisinde gy’amazaalibwa ga Kabaka age 71, Kabaka gyasimbulidde mu lubiri e Mengo.
Nnyininsi Sserwatikalwattaka yasiima emisinde gy’amazaalibwa ge gitambulizibwe ku mulamwa ogw’okutumbula eby’obulamu.
Egy’omwaka guno gyesigamye kukulwanyisa mukenenya, naddala okukubiriza abasajja okubeer abasaale kukulwanyisa akawuka nga tebakawereba baana bawala.
Endwadde endala ezizze zisibwako essira, kuliko Fistula ne Nalubiri.
Ambassador Mathias Schauer era asiimye Omuteregga okumukkiriza okwetaba mu misinde gy’amazaalibwa ge, kati emyaka etaano.
Atenderezza abantu ba Buganda olw’omukwano gwebalina eri Kabaka waabwe, gw’agambye nti gwanjawulo nnyo “Muli kibiina ekiwuniikiriza…” – Ambassador Mathias Schauer
Emisinde gy’amazaalibwa ga Kabaka egy’omwaka guno 2026 gya mulundi gwa 13 okuva lwegyatongozebwa mu 2014.
Ate ggyo emikolo gy’amazaalibwa ga Kabaka egye 71 gyakubeera ku eklesia ya Orthodox eya St.Nickolas e Namungoona.
Ssaabasajja yazaalibwa nga 13 April,1955.#
