Joshua Cheptegei mu world athletics championship Oregon 2022
Joshua Cheputegei awangulidde Uganda zzaabu mu mbiro za mita omutwalo omulamba,mu mpaka z ’emisinde egyensi yonna eziyindira mu ssaza lye Oregon mu United States of America.
Aziddukidde eddakiika 27:27:43.
Guno omulundi gwa kubiri ogw’omuddiringanwa Cheptegei ng’awangula zzaabu mu mpaka zino.
Stanley Waithaka Mburo owa Kenya akutte kyakubiri nafuna feeza ,aziddukidde eddaakiika 27:27:90
Munnauganda omulala Jacob Kiplimo akutte kyakusatu n’afuna omudaali ogw’ekikomo.
Kiplimo aziddukidde eddakiika 27:27:93.
Joshua Cheptegei ne Jacob Kiplimo nga bakawangula embiro za 10,000m 2022
Yaguwangula ne mu mpaka ezaali e Doha mu 2019 era nga ku mulundi ogwo emisinde gino yagiddukira eddakiika 26:48:36.
Joshua Cheptegei era yaalina likoda y’ensi yonna ey’okuddukira obudde obutono emisinde gya mita omutwalo gumu, yaziddukira edakiika 26:11.
Joshua Cheptegei Oregon USA
Joshua Cheptegei obuwanguzi buno bumufudde omuddusi ow’okuna, ku abaali bawangudde omudaali gwa zaabu mu mpaka za World Athletics Championships omulundi ogw’okubiri ogw’omudiringanwa.
Abalala ye Haile Gebrselassie ne Kenenisa Bekele bannansi ba Ethiopia ne Mo Farah owa Bungereza.
Empaka za World Athletics Championships zikyagenda mu maaso era Joshua Cheptegei wakudda mu nsiike ng’attunka mu misinde gya mita 5000.
Munnauganda omulala Jacob Kiplimo akutte kyakusatu n’afuna omudaali ogw’ekikomo.
Joshua Cheptegei omudaali gwa zaabu guno aguwangudde omulundi ogw’okubiri ogw’omudiringanwa.
